Нейро Дюбель - Скрыпка Дрыгвы

Вось струнаў сьпеў,
I смыка напеў,
I - пад ветрам - верасу звон.
I ўсе гэта - мы:
Наша радасць i гнеў,
Наш спрадвечны, халодны агонь.
Калi твае ў небяспецы каханне,
Гонар, свабода, песьня твая, -
Скрыпка заплача у асеньнiм тумане,
Скрыпка надзеi, скрыпка свiтаньня,
Ветру, шыпшыны i салаўя.
Ен - спеў вады,
I аблокаў дым,
I скрыпкi цiхi набат
Над верасам тым,
Над каменьнем сiвым,
Над стрэхамi нашых хат.
Калi твае ў небяспецы каханне,
Гонар, свабода, песьня твая, -
Скрыпка заплача у асеньнiм тумане,
Скрыпка надзеi, скрыпка свiтаньня,
Ветру, шыпшыны i салаўя.
Скрыпка дрыгвы й верасовых пустрэчаў
Пушчаў спрадвечных i светлых азер
Скрыпка разлукi й спактаньня вечнага
Пушчаў спрадвечных i светлых азер.
Выручыць, прыйдзе да вас на сустрэчу,
У зачараваны паклiча бор -
Скрыпка разлукi й спактання вечнага,
Скрыпка дрыгвы й верасовых пустрэчаў,
Пушчаў спрадвечных i светлых азер.